明倫社宅非營利幼兒園現場報名排大列 | 全國各校統一編號資料庫

2021年1月8日—因為租金傷懸，引起爭議的明倫社會住宅，內底有一間「明倫非營利幼兒園」，1/8-1/9開放民眾登記報名，1/10就會抽鬮仔，有家長特別請假來登記。

報名的說明聽予斟酌，台北市第一間辦佇社會住宅內底的明倫非營利幼兒園，第一工開放報名，真濟家長無畏寒，早起就來。

有真濟家長是來試手氣、希望省學費。親像有家長表示，囡仔這馬讀私立，月費一個月愛萬二箍，若抽著，一個月才3500，無論按怎，攏愛來抽看覓。

園長表示，欲報名跤手愛緊，本來台北市的非營利幼兒園，攏佇八月線頂抽鬮仔，這擺配合社會住宅完工的時間，才特別用現場報名的方式，提供152个名額，收2歲到5歲的囡仔，報名至初9為止，10號就抽籤公布，另外後紲若閣有名額，無抽著的家長八月閣有機會。